Friday, May 8, 2009

好想一巴冚落去!

自問係一個情緒管理好好嘅人,冇乜事可以輕易就激親我,除非你囉嗦,講完又講,同一件事重覆又重覆,一直係我耳邊嗡嗡嗡,我就佛都有火。

本公司最近嚟咗個“不是人”,比我遲兩個月上班。啱啱相處時,無多感覺,咪係一個安娣(老細係開會時,指她衣著打扮似安娣,極之同意);相處耐咗,佢嘅底就慢慢臭開來,令人頂唔順。

一般上,公司電腦都有set administrator password,呢個又唔可以用,嗰個又唔可以download,驚死人哋返工就係嗰度download嘢,無心機做工,影響工作進度。So,我每進行有關電腦嘅事,都要問人幫吓手key in密碼,麻鬼死煩!

就譬如,download谷歌中文輸入法、換user嘅password、run anti-virus等等。有關以上哋程序,喺我前公司係唔會發生嘅!前公司嘅電腦冇錯喺有人管,但唔似呢間管到咁離晒譜,真冤枉!每行一步都要看人面色。

自從“不是人”有咗administrator password,就雞毛當令箭,自霸自為,一副冇我下令就不得安裝任何軟件咁嘅死人款。

我架電腦喺人人都用得,我覺得無私隱,請教上嚟整電腦嘅IT人員幫手,點知“不是人”一知道我要換user嘅密碼,就大驚小怪咁,阿吱阿咗,話如果每個user都有自己嘅password,咁架電腦咪會好重,行得好慢咯!

IT人員應該覺得user有自己嘅密碼,喺好正常啊,冇乜唔妥,就答番佢:“喺會慢咗,但係你有我電話,如果佢冇做,你可以叫我幫你delete晒裡面嘅嘢呱……”

IT人員出口,“不是人”先至收咗把聲。

我同同事攞咗個anti-virus軟件copy入我電腦,run前,都係要administrator password,so我就請求“不是人”幫我key in。點不知,佢擺晒款,話“等陣啦,我要諗番個密碼係乜……”

And then,佢企起身,喺佢座位行嚟行去,故意拖時間,我等咗幾分鐘,佢先至心甘命抵行嚟我座位度。佢一嚟,就用order 嘅語氣講:“喂,起身,俾我坐……”

我直頭好唔爽,心諗:輸入個密碼需要幾多時間喎?仲要讓位俾你呢條友坐?

我條氣唔順,答番佢:“淨係key in password,一下子啫嘛,坐乜?唔洗坐啦!”

佢冇反應,喺我座位企住,背對住我,搞吓搞吓,淨係一個密碼,佢可以喺我座位企響超過十秒,真係頂佢老母啊!揸住個密碼啫嘛,有乜把炮?狐假虎威,真想一巴冚過去,再跣你一腳!

仲有,佢自己就可以通過用mic網上談私事,無覺自己唔妥;仲可以好大聲好大聲咁通過網絡同人哋吵架傾偈,吵鬼死晒,真係頂你個肺啊!

No comments: