尋晚去咗睇《B+偵探》，套戲麻麻，又廣東又華語又泰語，聽落應該冇乜問題。
至閉華語講到好似背稿辯論咁，一點感情都冇，如行屍走肉，鬼死咁惡啃，非常極之簡直大大影響睇戲嘅情緒。
好想攞膠紙封住佢地把口！
話係咁話，之不過開場發生咗一件小趣事。
話說有套謝霆峰主演嘅武俠喜劇《財神客棧》放預告，放到最尾，導演一欄大大打出“王晶”個名。
突然間坐係我前面嘅後生仔殺出一句：咁熟嘅～
係啊，真係好熟呀，人哋晶叔叔好多好多年前係“大導演”嚟嘅咧！
真係唔識貨咧呢位哥哥仔~
1 comment:
哥哥仔係你。人地係小弟弟。
Post a Comment